Делиа Барселона Суурин төлөөлөгч НҮБ-ын Хүн Амын Сан

Монгол дахь Хүн Амын Сантай ХүманФортис компани нь 2004 оноос эхлэн хамтарч ажиллаж хувь нэмрээ оруулж байгаа бөгөөд тус онд Хүн Амын Сангийн жилийн семинар, коммуникаци ба багийн ажиллагаа нэртэй семинаруудыг мэргэжлийн өндөр түвшинд явуулсан. Мөн 2005 онд манай байгууллагын бүрэн ажлын байрын аудит хийж, Хүн Амын Сангийн үйл ажиллагааг нилээн үр ашигтай болгоход тусласан. ХүманФортис компани нь эдгээр үйл ажиллагааг бидний санаанд бүрэн хүртэл мэргэжлийн өндөр түвшинд явуулж чадсан. Би энэ удаа ХүманФортис компани байгуулагдсаны 7 жилийн ойг тохиолдуулан компанийн нийт ажилтнуудад баярын мэнд хүргэж цаашдын ирээдүйд нь амжилт хүсэн ерөөе.

Н.Баттулга Дэд захирал М-Си-Эс Электроникс ХХК

М-Си-Эс Электроникс ХХК нь 2004 оноос хойш тус байгууллагатай байнгын хамтын ажиллагаатай ажиллаж байгаа бөгөөд гэрээний хүрээнд хийгдсэн ажлуудын үр дүн компанийн үйл ажиллагаанд мэдрэгдэхүйц ахиц дэвшил авчирч байна. 2005 оноос М-Си-Эс Электроникс компани нь бизнесийн стратегийнхаа цөмийг “Хэрэглэгч” гэж тодорхойлсон бөгөөд энэхүү стратегийн хүрээнд олон арга хэмжээ, ажлууд хийгдэж байгаагийн нэг нь компанийн нүүр царай болсон, тэдгээртэй шууд харилцан ажилладаг борлуулалтын болон инженер техникийн ажилчдын харилцааны арга техник, үйлчилгээний стандартыг боловсруулах ажил байсан юм. Энэхүү стандартыг боловсруулахад ХүманФортис компанийн хамт олон маш идэвхи зүтгэлтэй, мэргэжлийн түвшинд ажилласан бөгөөд төлөвлөсөн ажлуудыг цаг хугацаанд нь өндөр зохион байгуулалттай хийж гүйцэтгэж байсныг тэмдэглэн хэлэхэд таатай байна. Мөн манай компани дээр хийгдсэн сургалтын онцлог нь дээр дурьдагдсан ажилчдын ажлын шууд үнэлгээнд хэрэглэгчидтэй харилцах стандартын үнэлгээг холбож өгснөөр тус компаниас авсан цуврал сургалт, хяналтын үйл ажиллагааны үр дүнг дээшлүүлж байлаа. Цаашид сургалтынхаа агуулгыг улам баяжуулах, монголын хэрэглэгчдийн зан төлөвийг нарийвчлан судлах, улмаар барууны сургалтын агуулгыг өөрийн орны нөхцөлтэй уялдуулан хөгжүүлэх тал дээрээ түлхүү анхааран ажиллана гэдэгт итгэж байна. Аливаа үйлчилгээний байгууллагын урт хугацааны бизнесийн давуу тал, үнэ цэнийг бий болгогч нь хэрэглэгчдийн сэтгэл ханамжийг ямагт өндөр байлгах бөгөөд энэхүү зорилтыг хангахад ХүманФортис компанийн үйл ажиллагаа чиглэж байдагт талархаж байдаг бөгөөд цаашдын ажил хөдөлмөрт нь өндөр амжилтыг хүсэн ерөөе!